مش عارفة امبارح ايه اللي حصلي قعدت افتكر ذكريات طفولتي وكنت بحكيهم لسولتو ونانسي
سولتو قالي انتي كنتي طفلة مشردة في اول تعليق على اول حكاية حكيتهاله
قررت اكتبهم هنا واهو كلو ذكريات
في اول سنة حضانة
تاني يوم في المدرسة تقريبا
دخلت العيال كلهم الحمام وحميتهم
طردوني من المدرسة واتصلو بماما تيجي تاخدني
مش عشان حميت العيال بس
لا عشان لما المدرسة كانت بتزعقلي رحت شاتماها
بشتيمة كنت بسمع جدتي بتقولها
مرة ماما نسيت المية في البلكونة مفتوحة ونزلت تجيب لحمة
رجعت جري عشان تقفلها وتمسح المية اللي غرقت البلكونة
رمت الكيس اللي فيه اللحمة عالكنبة بالاوضة
دخلت لقيتني شايلة اللحمة النية من الكيس ونازلة فيها قطم
انا مش طفسة لا سمح الله
هي اللي كاانت سايباني جعانة
ماما كانت جايبة لقطينة من الجبل وحاطاها عالبلكونة
وفي الفترة دي كانو بيحاولو يشيلولي الحفاضة
ويخلوني اتعلم اعملها في اسمها ايه عندكو القصرية سولتو اللي قالي اسمها
المهم انا عاملة فيها الطفلة الفظيعة
روحت عند اللقطينة
وشلت الحفاضة
وقعدت عملتها عليها
وقعدت اسقف عرفت اعملها برة الحفاضة
ومرة كنت طالعة عند بيت عمي فوقينا معايا قطعة جاتوه
قعدو بنات عمي كل واحدة تقولي هاتي حتة هاتي حتة
بصتلهم بصة مرعبة
قولتلهم ده دوا اللي تاكل منه هتعيى ونزلت البيت جري
مفجوعة من يومي كله الا الشوكولاتة
ومرة اختي ضربتها بنت عمي غادة
اختي اكبر مني ب 3 سنين وغادة اكبر مني بسنتين
بس غادة ضخمة وطويلة يعني
وكانت غادة عند بيت عمي اللي فوقينا
المهم شوفت اختي نازلة بتعيط الدم غلي في عروقي
روحت طالعة عند بيت عمي
فتحتلي غادة روحت نطيت عليها ووقعتها عالارض
وقعدت فوقيها ونزلت فيها ضرب
وقعدت اشد في شعرها واضربها واقولها
اخدت بتار اختي اخدت بتار اختي
كلهم كانو بيضحكو معرفوش يشيلوني عنها
لما اكتفيت قومت وقولتلهم ها
ونزلت
ابتديت امشي وانا عندي سنتين ونص
مشيت بعلقة
كلت حتت علقة فظيعة
امي اتصعبت اني مش راضية امشي
وضربتني
اخويا وابن عمي مستحملوش يشوفوني بعيط
قعدوا يعلموني المشي
ومشيت :D
كنت قصيرة اوي
عاملة زي فرخة في الارض
وعشان صغيرة اوي
لما اختي تلعب مع صحابها مكنوش يعتبروني عنصر فعال
كانو بيسموني فستق فاضي
وكانت اختي كل ما تحب تخرج الزق فيها زي ديلها
واقعد اجعر لحد ما اهلي يجبروها تاخدني معاها
كانت بتسميني الديل
كنت العب بالتراب
ولما اقع اقعد اعيط
وامسح وشي بايديا الوسخة اصلا
وخد يتخيل شكلي يبقى عامل ازاي
ياه يا ريت ارجع للايام دي تاني
رغم كل الحرب والدمار عشت ايام حلوة اوي
واللا يوم ما كنا بالجبل وبنلعب برة
والباب قفل ونسيت المفتاح جوة وجدتي نايمة
حاولت ادخل من الشباك واتزنقت فيه
نصي جوة ونصي برة
وزقة يا ولاد الحلال
ذكريات طفولتي المشردة
احلى ايام والله
يا ريت ترجع تاني
اللي فيكو هيتبرى مني هولع فيه
كنت وما زلت طفلة مشردة
