الحاجة الوحيدة اللي مقدرش استحملها في اللي قدامي
انه يكدب عليا
صفتين عموما مش بقبلهم هم الكدب والخيانة
نسيبنا من الخيانة مش موضوعنا دلوقتي ونركز في الكدب
مشكلتي اللي بجد ان صعب حد يقدر يكدب عليا
يمكن عشان زمان كنت كدابة محترفة
محدش يقدر يعرف اني بكدب والكل بيصدقني
عشان كان عندي قدرة رهيبة عالكدب واقناع اي حد اني بقول الصدق
لحد ما في يوم انا قررت ابطل اكدب ومن ساعتها بقول الصدق
ويا للصدف قليل اما يصدقوني
يمكن احترفت الكدب لدرجة اني بقى الصدق بتاعي يبان كدب
ما علينا انا مش بتكلم عن نفسي
انا بتكلم عن ان صعب حد يكدب عليا
بعرف بسرعة واكتشف بسرعة
والانيل من ده اني بحسس اللي بيكدب عليا اني مصدقاه
رغم اني عارفة ومتأكدة انه بيكدب عليا
بس بكبر دماغي عشان ما اتخناقش
او عشان من الاساس الموضوع مش فارق معايا
مش عارفة انا بكتب الكلام ده ليه
بس بجد بكره الكدب
وعشان خاطر ربنا
بطلوا تكدبوا عليا
3 comments:
معلش كلهم كدابين يا اختى
مكرهش حاجة في حياتي قد ان حد يكدب عليا
بأحس بإهانة فظيعة بسبب الكدب
الصراحة راحة يا مرمر..و انت مابتعرفش..تكدب
ع الصبح كده كدب يعنى
يعنى انتى كنتى بتكدبى عليا الفترة دي كلها :|
بصى ياعم .. الكدب شىء طبيعى فى اى بنى ادم
الواحد مش حيتكذب ولايجمل فى صورته
ويقول انه ملاك برىء :D
غصب عنك او برضاك الانسان لازم يكدب
انا عن نفسى عندي قدرة انى اقنع اى حد انى طلعت القمر نشرت الغسيل وجيت :D
كفاية بقى :D:D
Post a Comment