بمناسبة السفر والناس اللي بتسافر والناس اللي قريب هتسافر
موضوع خطر ببالي
اكيد الوداع وحش على كل الاطراف
ومش من السهل تسلم على حد بتحبه وتمشي وانت عارف انك مش هتقدر تشوفه تاني قبل فترة طويلة او حتى قصيرة
بس السؤال اللي بيخطر على بالي مين اللي بيتوجع اكتر
الشخص اللي بيسيب المكان والناس ويسافر يروح مكان تاني
سواء كان المكان الاصلي بتاعه او لا
والا الشخص اللي بيفضل في نفس المكان واللي مشي ده حد عزيز عليه
يا ترى لو عدى على مكان كانو بيكونو فيه مع بعضهم هيحس بايه
طب اللي سافر ده مفيش مكان في موطنه الاصلي بيفكروا باللي سابهم
مع ذلك مش بينساهم
بجد نفسي اعرف مين اللي بيتوجع اكتر
اللي بيمشي
او اللي بيفضل
5 comments:
الاتنين يامارو
بس مش متساويين قوي
اللي بيفضل اكتر
لان ذكرياتهم سوا كانت في مكان ما قبل ماطرف فيهم يسافر
فاللي بيفضل بيفتكر لما بيعدي
ماهو لسة موجود
ربنا يقرب البعيد يارب وكل اتنين افترقوا لظرف ما يرجعوا لبعض ومايفترقوش عن بعض ابدا :)
اللي بيتوجع اكتر هم الويترز بتوع الكافيهات طبعآ
وجعتيني اوي :)
قعدت افتكر كل الناس اللي فارقتها بالسفر سواء انا اللي سافرت ولا هما اللي سافروا
متهيألي اللي بيسافر هوا اللي بيتوجع اكتر :)
سلامتك من اي وجع يا ماري
وحشتيني اوي
اللى وحده من ساعة ميلاده
هو اللى بيتوجع
هبة : انتي منورة بجد كلامك فيه وجهة نظر ممكن اللي بيفضل بيتوجع اكتر بس انا شايفة ان اللي بيمشي بيتجوع اوي يمكن انا مجربتش احساس اللي بيفضل كتير او جربته وحسيته عادي وفترة واتعود
سولتو: فعلا الويترز هم اكتر ناس بيتوجعو
امانة عليك روح نام
فنون: انتي منورة يا حبيبتي والله وانتي اللي وحشتيني اوي بجد
وفعلا انا زيك متأكدة ان اللي بيسافر هو اللي بيتوجع اكتر
حسين: كلامك حقيقي فعلا بس اعتقد ملوش علاقة بفكر السفر والوجع بتاع السفر
ده وجع تاني اللي انت بتتكلم عنه وصعب اوي
Post a Comment