ايام قليلة فاضلة على حاجة عدت شهور وانا بحلم بيها
حاجة اكتر بكتير من مجرد اجازة بالنسبالي
اجازة ارتاح فيها من ضغط شغل بيدمر الاعصاب
ايام كتير عدت ومفضلش الا كام يوم
اكتر من 300 يوم عدوا
سواء بشكل بطيئ او سريع
بس اهم عدوا زي ما اي حاجة في عمرنا بتعدي سواء حلوة او مرة
احساس كبير جوايا بيقولي ان السفرية دي غير عن اي سفرية حصلت
يمكن دي رابع مرة اسافر
بس عارفة ومتأكدة ان المرادي غير
غير في كل حاجة
وعلى اد ما الاحساس ده حقيقي جوايا
على اد ما احساس تاني بيقولي انها هتكون اخر مرة
هي مش خرافات مسائية
ولا تهيؤات
شبه يقين
ان خلاص جه الوقت انها تكون اخر مرة
مراحل كتير عدت في عمري اللي زاد عن 29 سنة
مرحلة بتبتدي وترجع تنتهي
مهو لكل حاجة نهاية
والمرادي حاسة انها النهاية
حاسة اني يوم ما هتركب الطيارة اللي هترجعني بيروت تاني
هابقى متأكدة انها هتكون اخر مرة بشوفكم فيها
محدش يسأل ده ليه
اهو احساس
اعتبروني بخرف
2 comments:
منك لله
لو مجيتيش انتي
يا هجيلك انا يا هجيبك بالعافية
منك لله ضايقتيني ع الصبح
مارووو
حاخطفك
ومش حارجعك بيرووت تانى
ايه الكلام ده
بجد ليه
Post a Comment