جربت قبل كدة انك تصحى الصبح وانت مش عارف يا ترى انك صاحي والا بتحلم
جربت قبل كدة احساس انك عايش بس عشان لسة قلبك بينبض من غير ارادتك
انك بتتنفس عشان دي حاجة بتحصل تلقائياً مش باختيارك
تحس ان روحك بتتسحب من بين شرايينك
ان في طوبة كبيرة على صدرك
مانعاك تتنفس
جربت قبل كدة تكون وسط ناس كتير
كله عمال يتكلم ويتكلم وانت باصصلهم ومش شايف اي حاجة
بتبتسملهم وانت مش عارف هم بيقولو ايه
جربت قبل كدة احساس ان جسمك في مكان وروحك سيبتها في مكان تاني بعيد
احساس بشع انك تعيش من غير روح
انا جربته
1 comment:
جربت و حسيت و حساه
بس و بعدين
اخرتها ايه
لازم كل واحد بعد ما يقع .. يحاول يقف على رجله
وميستسلمش للتعب
عشان الدنيا مش بتقف
وبيكي او من غيرك هتكمل
و هتكملى معاها غصب عنك
فلازم كل واحد يشوف ظروفه
و يشوف ينفع يغير ايه و ايه لازم يتكيف معاه
لكن ميقعدش يقول مش قادر .. مينفعش ... مستحيل
حاولى تاخدى وقت مع نفسك
هى لسه الفكره دى مجابتش نتيجه معايا
بس على الاقل بحاول و ان شاء الله هقدر
Post a Comment