بحبك مش هقول تاني
بحبك حب مش عادي
مشاعري من زمن تاني
وروحك ساكنة في روحي
في قلبك شوفت شرياني
دموعك تجري في عيوني
وتدبل كل احزاني
اغنية من البوم وائل جسار الجديد
بغض النظر عن صوت وائل الخرافة
بغض النظر عن احساسه واني من زمان بحب اسمعله
الكلمات ذات نفسها ليها تأثير حلو عليا
بحبك مش هقول تاني
مش نافعة معايا الحتة دي
مش بعرف اقول غير كلمة بحبك
وهفضل اقولها لاخر يوم في عمري
احساس جميل لما تحس ان قلبك مش ملكك
بينبض جوة حد تاني
وفي نفس الوقت قلبه بينبض جواك انت
لما عنيك تتقفل على صورته
وتبقى مش عارف تشوف غيره
جوه عيون الناس تشوف عنيه
وسط كلامهم تسمع صوته
لما حب بني ادم يتملك منك
يسكن روحك
يجري جوة دمك
لما تفرح لفرحه
وتحزن لجرحه
لما تسمع كلامه بقلبك
وكلامك له يطلع من جواك
لما تشوفه قدامك كل لحظة
حاسس بيه حواليك
لما روحه تبقى محوطاك وحامياك
احلى احساس ممكن تحسه في الدنيا
لمسة ايد حبيبك
ودفى حضنه
بحبك مش هقول تاني
احتمال
عشان كل كلام الدنيا
مش هيكفي عشان يعبر
عن اللي جوايا
ليك انت
حــبـــيـــبــــي
4 comments:
nezar da ?? :P
لا ده انا
اجدع من مليون نزار
sure :))))
Post a Comment