لما مشاعر الانسان ناحية انسان تاني تتخطى حدود الحب
لما المشاعر تتملك منه
من كل جزء فيه
لما يحب بكيانه وروحه وقلبه وعقله
لما الحب يجري في دمه
لما ينام ويصحى على صورة اللي بيحبه
اعتقد انه هيكون اتخطى مرحلة الحب ووصل لمرحلة العشق
لما تغفر وتسامح اي حاجة عشان من جواك متقدرش تزعل من حبيبك
متقدرش تشيل منه اي حاجة وحشة
عشان مشاعرك ناحيته انضف من انها تشيل اي حاجة وحشة
هتكون مش بس بتحب هتكون بتعشق
***
***
***
علشان هواك بقا عندي اغلى من الحياة
لو قولت آه بقول بدالك الف آه
وكأنك انت في دنيتي طوق النجاه
وان قولت ابعد اخاف لبعدي يكسرك
بعشقك
نفسي تعرف قبل ما الايام تفوت
اني عشت العمر ليك من غير شروط
وان خيروني اعيش معاك والا اموت
مبقتش اخاف من الموت وخايف اخسرك
بعشقك
الحياة والدنيا بعدك تسوى ايه
لو مكنتش جمب مني اعيشها ليه
ده انت لو طولت بعدك
مش هعيش في الدنيا بعدك
مهما تعمل بيا برضى انا روحي فيك
وان بعدت انا بردو هاجي اسأل عليك
يعني مهما حصلي منك
مستحيل تبعدني عنك
آه بعشقك
***
***
***
اغنية جسدت معنى العشق
كل حرف فيها بيدل على ان المشاعر دي اكبر بكتير من انها تكون مجرد مشاعر حب
ازاي الواحد ميخفش من الموت اد مهو خايف من انه يخسر حبيبه
ازاي فكرة خسارة البني ادم ده تخليه يفضل الموت على خسارته
يخليه يخسر حياته بس ميعيشش في الدنيا من غير حبيبه
مشاعر اكبر بكتير من مجرد حب كتير بيحسوا بيه
اعتقد دي مشاعر بتحصل في العمر مرة واحدة
ومحظوظ اوي اللي يلاقي حد يحس ناحيته كدة
والمحظوظ الاكبر هو اللي يتحب كدة
***
***
***
ازاي بقيت اعشق معاك حتى الآهات
مبقتش امل من انتظارك بالساعات
واما بشوفك العتاب يصبح سكات
وانسى اما تيجي اسألك ايه اخرك
بعشقك
مش مهم تكون قريب او بعيد
ده انت حبك كل يوم عمال يزيد
وانت عارف اني مش هنساك اكيد
وان كان نستني انا اللي هاجي افكرك
بعشقك
***
***
***
معقول حد يكون كدة
كل يوم اللي جواك يزيد
رغم انه بعيد اوي عنك
رغم ان المسافات بعيدة ومع كدة هو اقربلك حتى من نفسك
كل يوم تقول دي اقصى حاجة ممكن احس بيها
وتاني يوم تكشتف ان اللي جواك بيزيد
ان قلبك هينفجر من كتر المشاعر اللي بيتحويها
انك مهما قولت وعملت بردو مبيعبرش عن واحد بالمية من اللي جواك
***
***
***
بجد يا بخت اللي يحب كدة
ويا بخت اللي يتحب كدة
لو في يوم قابلت اللي يحبك كدة متسبوش يبعد عنك
لان العمر كله مش هيكفيك عشان تندم بعدين
بعشقك
***
***
***
اغنية اختصرت معنى العشق
معنى انك تحب زيادة عن اللزوم
لما المشاعر تتخطى مرحلة الحب وتوصل للعشق
بعشقك
1 comment:
انت عارفة والله أنا حبيت للدرجة دي وأكتر بكتييييييير لحد ما كانو في البيت بيقولوا عندي مجنووووون وببالغ في حبي بس والله كنت صادق جدا في المشاعر دي قعدت فترة تسع شهور كاملة صحيح مش فترة طويلة قوي بس حبيت فيها بإخلاص وضحيت كييييييير جدا ودلوقتي طلعت أنا الخاين الغدار الي مش عنده وفاء وكلام من دهكل ده عشان شغلي حتم عليا أتعامل مع الجنس الناعم الي هو انتم يعني فلما لقتني بتعامل وبكلم غيرها شكت وخافت وقالت كلام عجيب وسابتني في وسط الطريق بأه ده اسمه كلام والله حرام قوي
بس يلا خير
ربنا يكرمك ع الكلام الحلو ده ولو انه صحالي جرحي الي مش بينام أصلا
كل سنة وانت بألف خير وياريت تنوريني
مودتي
Post a Comment