عايزة ايه

احساس غريب بيكبر جوايا

انا عايزة ايه

ونفسي اوصل لفين

ايامي اللي بعيشها زي قلتها

كلها شبه بعض

احساس غريب جوايا بالضياع

معرفش لو كان حزن

معرفش لو كان تعب

نفسي ابعد عن اي حاجة وكل حاجة

نفسي اروح مكان مفيهوش غيري

نفسي اقعد مع نفسي

افهم هي عايزة ايه

معرفش بجد

بس اللي اعرفه اني مش مرتاحة

محتارة

مخنوقة

تعبانة

زهقانة

يمكن من تأثير الحر

يمكن من الوحدة في وسط الزحمة

مين عارف

بس يا ريت انا اعرف

عايزة ايه

انا بتاخد منك

احذر مما تتمنى فقد تحصل عليه

حقيقة علمية

بنتمنى حاجات كتير وساعة ما نحصل عليها ممكن تقلب لاسوء كوابيسنا

لما حلم عمرك يتحول لاسوء كابوس بينغص عليك عيشتك

كتير بنحلم بحاجة ونبقى عايشين بس عشان نحققها

حاطينها هدف قدام عيونا

ونفسنا نوصل للهدف ده

نبات ونصحى نفكر فيها وفي ازاي نوصلها

وفجأة تتغير ظروفنا

حلمنا ما بقاش حلمنا

بالاحرى معدناش عايزينه ولا عايزين نوصله

ويا للصدف حلمنا بيتحقق

بيتحول لاسوء كوابيسنا

امر واقع وفرض علينا

مش بايدينا نرفضه

مش بايدينا نغيره

ده اللي حلمنا بيه

وده اللي حصلنا عليه

بينهم وقت طويل

خلاه يتحول من حلم اتمنناه

لكابوس عايزين نصحى منه

وفي النهاية فعلا

احذر مما تتمنى فقد تحصل عليه

اشــتــقـــتـــلـــك

اشتقتلك يا غرامي

اشتقتلك كتير

Day 30

اول شهر عدى

صعبان عليا يا سولتو

انـــا والــجــيـــم والــصــداع

هي دي الدايرة اللي بلف بيها على طول

جيم لازم عشان الرشاقة والليونة ومعرفش ايه كمان

هم اللي بيقولوا كدة

والصداع لازم يتمكن مني كل يوم بعد الجيم

ليه نفسي اعرف

اخلص جيم من هنا ويبتدي الصداع من هنا

يوم، يومين ، 3 ايام

لحد ما يتكرم ويروح لوحده

من سنة اشتريت دماغي وبطلت جيم عشان تعبت من كتر الصداع

المرادي يا انا يا هو

اه يانا من الصداع

بجد محدش يعرف ايه العلاقة اللي تربط بين الجيم والصداع

انا الوحيدة اللي بيحصلها كدة

صباحك سعيد

احلى صباح على اجمل عيون

signs

مش كل الناس تفهمها

نظرة يبقى جواها معاني كتير اقوى من مليون كلمة

تصرف بسيط بيوصل رسالة كبيرة

كلمة واحدة تشكف مشاعر عميقة مستخبية جوة الواحد

الاشارات

منها اللي بيوصلنا معنى جميل يفرحنا

ومنها اللي بيفهمنا حقيقة بتجرحنا

من نظرة عين تعرف ان جواه ليك حب كبير

من تصرف بيتكرر تعرف انه مل وعايز ينهي الحكاية

كله بيوصل بالاشارات

بس يا مين يفهم

ويا ريتني ما فهمت

الخـــوف

اوقات الواحد بيعيش نفسه في وهم معين

بيكبر جواه ومعاه

الوهم بيتحول لحقيقة

الخوف بيسيطر على البني ادم

تبقى بتحب حاجة وخايف تخسرها

وفي نفس الوقت شوية شوية الحاجة دي تبقى حمل تقيل

بتستحملها لانك خايف تسيبها

خايف من المصير المجهول اللي هتواجهه لما تسيبها

مع العلم ان ممكن لو سبتها هتبقى افضل

وكل المعاناة اللي بتعيشها هتروح

بس المشكلة انك مش عارف تاخد القرار

خايف من القرار

خايف من اللي هتعيشه بعد القرار

لما الخوف من فقدان حاجة يخلينا نستحمل اللي مفيش بشر يستحمله

نفسي افهم ايه السبب اللي يخلينا متمسكين بحاجة بتجرحنا، بتعذبنا، بتضايقنا

هل هو حب

هل هو تردد

هل هو جبن

نفسي اعرف بجد

يا كداب

الحاجة الوحيدة اللي مقدرش استحملها في اللي قدامي

انه يكدب عليا

صفتين عموما مش بقبلهم هم الكدب والخيانة

نسيبنا من الخيانة مش موضوعنا دلوقتي ونركز في الكدب

مشكلتي اللي بجد ان صعب حد يقدر يكدب عليا

يمكن عشان زمان كنت كدابة محترفة

محدش يقدر يعرف اني بكدب والكل بيصدقني

عشان كان عندي قدرة رهيبة عالكدب واقناع اي حد اني بقول الصدق

لحد ما في يوم انا قررت ابطل اكدب ومن ساعتها بقول الصدق

ويا للصدف قليل اما يصدقوني

يمكن احترفت الكدب لدرجة اني بقى الصدق بتاعي يبان كدب

ما علينا انا مش بتكلم عن نفسي

انا بتكلم عن ان صعب حد يكدب عليا

بعرف بسرعة واكتشف بسرعة

والانيل من ده اني بحسس اللي بيكدب عليا اني مصدقاه

رغم اني عارفة ومتأكدة انه بيكدب عليا

بس بكبر دماغي عشان ما اتخناقش

او عشان من الاساس الموضوع مش فارق معايا

مش عارفة انا بكتب الكلام ده ليه

بس بجد بكره الكدب

وعشان خاطر ربنا

بطلوا تكدبوا عليا

بدي اعرف

شو هالسر اللي فيك

كيف معلقني فيك

سرقت قلبي مني

وروحي راحت مني

ما بقى ما عم بعرف حالي

ولا عم افهم شو اللي جرالي

شو عم قول

وليش عم قول

وشو بدي

او انت شو بدك مني

ليش معلقني فيك

بس الاكيد اني مش انا

ما عدت انا

ولا بقى فيي ارجع متل ما كنت

يمكن هيك احسن

يمكن قبل احسن

على كل الاحوال

الموضوع منو بايدي انا

بايدك انت

بكلمة بضحك

بكلمة ببكي

صرت متل اللي عم يتحكم فيي بالريموت كنترول

شو هالسر اللي فيك

وليش انت بالتحديد

مش مهم

وين رح اوصل

لانه معك وصلت لاكتر من اللي كنت بتمناه

وبحلم فيه

وهيدا بيكفيني

بس عن جد عبالي اعرف

شو هالسر اللي فيك

الاشتياق

اشتياقي ليك فاق حدود المنطق

عدى حدود الخيال

وتملك مني

روحي سابتني وراحتلك