تعبت من كل حاجة
تعبت من نفسي
تعبت من شغلي
تعبت من اوضاع البلد
تعبت من قلقي الزايد اللي في الاول والاخر مش بيأثر الا عليا انا
تعبت من اني مقدرش اعبر عن اللي جوايا
تعبت من اللي بيقولي انتي اخر واحدة تتكلم عن الاهتمام
رغم انه من جواه عارف اني بهتم
تعبت من نفسي اللي معدتش قادرة اسيطر عليها
تعبت من قلبي اللي بقا بيتحكم فيا وبيمشيني زي ما هو عايز
تعبت من شغلي اللي بيستغلوا اني بحبه ومقدرش اسيبه بأنهم يضغطوا على اعصابي
تعبت من اني اعمل شغل 3 اشخاص
تعبت من اني اقول يا ناس عايزة حد معايا ويقولولي بندور
تعبت من اني ابقى عايشة في بلد عايش على فوهة بركان
بركان بينفجر بأي لحظة
سنين طويلة من عمري عشتها جوة الحرب
اي فيلم اكشن بيقولو في اوله ممنوع يشوفوه الاطفال عشان فيه مشاهد عنيفة
عشت طفولة المشاهد العنيفة جزء لا يتجزأ منها
شوفت قتل ودمار ودم
تعبت من اني افتكرها
تعبت من اني افكر ان ممكن اعيش فيها تاني
تعبت من اني افكر ان ولاد اخويا هيعيشوا اللي احنا عشناه زمان
تعبت من نفسي ومن اللي حواليا
تعبت من خوفي وقلقي عاللي بحبهم
والله العظيم تعبت
تعبت ونفسي ارتاح
نــــــــفـــــــســــــــي ارتــــــــــــــــــــــــاح
No comments:
Post a Comment